ITALI: , sekuestrohet 535 kg “marijuanë shqiptare”

Një aksion i ndërmarrë nga Guardia di Finanza, në afërsi të Kanalit të Otrantos, ka bërë të mundur sekuestrimin e 535 kg marijuanë që dyshohet se vinte nga Shqipëria, bën të ditur agjencia e lajmeve ANSA.

Sipas informacioneve, gjatë operacionit anti-drogë u sekuestrua një gomone  me gjatësi 7 metra, brenda të cilës u gjeten 9 çanta të mëdha, ku ishte ambalazhuar sasia e drogës, me sasi prej 200 kg marijuanë.

Ndërkohë, gjatë kontrollit të ushtruar në brigjet pranë vendit ku u gjet gomonia, u gjetën dhe disa çanta të tjera ku ndodhej sasia prej 335 kg marijuanë, e cila mesa duket ishte braktisur nga trafikantët.

Policia italiane ka nisur hetimet për identifikimin dhe kapjen e trafikantëve të drogës të cilët dyshohet se origjinën e ka nga Shqipëria. 22 prill 2012 (gazeta-Shqip.com)


Nuk ka komente

Bëhu komentuesi i parë!

Komentoni