Fundosës të Kosovës

Adem Salihaj, ish bashkëpunëtor i Presidentit Rugova, dhe i emëruar nga ai zëvendëskryeministër i Kosovës, thotë se për çdo ditë po zbulohet “ndonjë krim dhe për çdo ditë po zbulohet fytyra monstruoze e krimit”. “Me vite e vite kriminelët në Kosovë janë paraqitur si engjëj dhe njerëz kombëtar, për çdo ditë patriotët janë fyer e akuzuar si tradhtarë”, thotë Salihaj për “Bota sot”, duke shtuar se e vërteta megjithëse vonohet, ajo del në shesh.
“Ata që vranë sa e sa patriotë, si Xhemajl Mustafa, Ukë Bytyçi, Shaban Manaj, Idriz Rreci, Ismet Rraci, Smajl Hajdaraj, Enver Maloku, Ekrem Rexha e shumë e shumë të tjerë, ata deshën ta vrasin edhe Presidentin Rugova”, thotë Salihaj. Ai thotë se ishte një përpjekje për t’iu kundërvënë edhe historisë. “Deshën ta vrasin njeriun që ia hapi të gjitha dyert Kosovës dhe e futi në të gjitha agjendat botërore, njeriun që ia hapi dyert e lirisë dhe pavarësisë së Kosovës”, thotë Salihaj. Ai flet me përbuzje për këta njerëz. “Këta janë kriminelë dhe tradhtarë të kombit, këta edhe sot zgërdhihen nga karriget e parlamentit e të qeverisë së Kosovës, këta po e fundosin Kosovën çdo ditë e më shumë, këta e kanë futur Kosovën në të gjitha agjendat e diplomacisë europiane e botërore për të keq dhe po e shkatërrojnë imazhin e mirë që kishte krijuar për Kosovën Presidenti Rugova”, thotë Salihaj, sipas të cilit e vërteta po del në shesh dhe se populli një ditë do ta kuptojë se këtë “të keqe të madhe duhet shporrur nga Kosova”.


1 Komente

  1. Sejdiabazi, May 13, 2012:

    te lumt se populli eshte i tradhtuar nga grupet” KLANDESTANE TE PDK MAKABER” se gjoja kta e shlirun Kosoven. kta jane grupe te cilat jane grupe  kriminele te cilat jane marre me droga pa ndergjegjeje pa parime familjare pa emancipim njerzor pa kultur pa arsimime trafikanta te organeve duke u bazue ne informata te huaja a posaqrishte te aleatit tone Gjermanis.kurse nje pjese kinse intelektuale(te deshtuar)i perkrahu dhe Kosoven a futen ne ni pozit katastrofale.. Marri atyre qe eperkrahen dhe nese kane moral ata te paret duhet ne menyre kolektive me ba VETVRASJE.duke a bind popullin a ne radhe te pare vet familjet a tyre si kan qen,jane dhe do te jene Tradhtare Kuisling  DEMBABADEM.

Komentoni