Filmi për UÇK-në duhet ta shkundë kinematografinë botërore

 

Megjithëse ka kaluar më shumë se një vit nga paralajmërimi, Hollywoodi ende nuk ia ka dalë ta bindë Craig Jurisevicin që t’ia shesë të drejtën që rrëfimi i tij për luftën e Ushtrisë Çlirimtare të Kosovës të shkrihet në film. As kompanitë me nam kardiokirurgut australian që iu bashkua luftës së UÇK-së nuk kanë arritur t’ia mbushin syrin për ta bërë film librin e tij “Blood in my hands”. Ani pse është në kontakt me studio, producentë, regjisorë e skenaristë që synojnë ta shndërrojnë në skenar filmi rrëfimin e tij për kohën kur i ishte bashkuar batalionit “Atlantiku”. Synimi i australianit është që filmi për UÇK-në të jetë një film që do ta shkundë kinematografinë botërore. Vitin e kaluar realizimit të filmit bazuar në librin e tij i kishte vënë çmim prej 50 deri në 100 milionë euro.


Nuk ka komente

Bëhu komentuesi i parë!

Komentoni