Thaçi, Limajt: Mund të jesh kryeministër!

Derisa ka përfunduar seanca e dytë për Limajt dhe të tjerët në rastin e MTPT’së, mbrojtja e të pandehurve kërkoi nga trupi gjykues që të hedhë poshtë aktakuzën e ngritur nga Prokurori i EULEX’it, me arsyetimin se ajo është e pabazë dhe nuk ka argumente të bollshme.

Në përmbyllje të paraqitjes së tij, para trupit gjykues, Fatmir Limaj paralajmëroi se për të dëshmuar pafajësinë e tij, do të ftojë si dëshmitarë Kryeministrin Hashim Thaçi, ish- shefin e Zyrës Civile në Kosovë Piter Feith si dhe ish- Kryeprokurorin e EULEX’it, Johannes Van Vreesëijk si dhe disa zyrtarë të tjerë të misionit europian për sundim të ligjit në Kosovë.

“Dëshmitar do të ftoj edhe Peter Feith dhe kryeministrin Thaçi. Kërkoj nga ju drejtësi dhe asgjë tjetër. Asgjë tjetër. Kështu mbrohet puna e mijëra njerëzve në EULEX dhe kështu ndihmohet ndërtimi i shtetit ligjor. Dhe shpresoj që ta ndërtojmë shtetin ligjor. Shpresoj që të fillohet seriozisht që të ndiqen kriminelet dhe të ndëshkohen ata që po e shkatërrojnë shtetin. Kërkoj nga ju që ta hidhni poshtë aktakuzën. E t’i jepni fund kësaj drame të panevojshme, të pambështetur në asnjë provë dhe në asnjë fakt”, kishte deklaruar Limaj.

Menjëherë pas kësaj kërkese të deputetit dhe nënkryetarit aktual të PDK’së, ndaj të cilit po zhvillohet edhe rasti gjyqësor i njohur si “Kleçka”, në skenë është paraqitur kryeministri i Kosovës, Hashim Thaçi, i cili në një bashkëbisedim të hapur me qytetarët në profilin e tij në Facebook, ka paralajmëruar mundësinë se një prej opsioneve është që Fatmir Limaj të jetë kryeministër nëse partia e tij do të jetë fituese në zgjedhjet e ardhshme.

Thaçi është shprehur se ka ardhur koha që drejtësia ta thotë fjalën e vet dhe është shprehur i bindur se shumë shpejt nënkryetari i tij, Fatmir Limaj, i cili, siç ka thënë ai, padrejtesisht po akuzohet nga misioni për sundimin e rendit dhe ligjit Eulex, shpejt do të jetë i lirë pranë familjes së tij dhe do të rikthehet fuqishëm në skenën politike, transmeton Almakos.

Por, Hashim Thaçi nuk është mjaftuar me kaq.

“Është hera e parë këtu tani publike që po e bëjmë dhe do të ju pergjigjemi gjtihsesi pyetjes tuaj nëse un nuk do të kandidoj në mandatin e ardhshëm për Kryeministër atëherë janë 3 emra aktualisht që i kam në mendje që t’i propozojë në organet e partisë dhe në Zgjedhjet e ardhshme ta propozojmë njërin nga këta, nëse un nuk do të rikandidoj atëherë njëri nga kandidatët e mundshëm janë: z.Kadri Veseli z.Fatmir Limaj dhe z.Hajreidn Kuqi”, ka deklaruar publikisht i pari i ekzekutivit kosovar.

Kryeministri Thaçi madje është shprehur se me të vërtetë e bëjnë për të qeshur zërat se ai dhe Limaj nuk kanë marrëdhënie të mira, duke u shprehur se në fund të fundit jetojmë në demokraci dhe se çdokush ka të drejtë që të shpreh mendimet e veta. Mirëpo, ka pretenduar Thaçi, e vërteta e vetme është se ai Limajn e ka mik shtëpie dhe bashkëpatrtiak.

Kohë më parë edhe nënkryetari i parë i Partisë Demokratike të Kosovës, Kadri Veseli ,kishte pohuar se proceset gjyqësore që janë duke vazhduar ndaj ish-ushtarëve dhe komandantëve të UÇK-së, janë të montuara dhe si të tilla i sjellin dëme vendit. Veseli, këto komente i kishte bërë në bastionin e Limajt, në Malishevë, duke u shprehur se beson në drejtësinë ndërkombëtare, por megjithatë mendon se ky proces duhet të ndërpritet sa më parë.

Kuçi: Kadri Veseli për kryeministër!

Një ditë para takimit të radhës në Bruksel me palën serbe, zëvendëskryeministri i Kosovës, Hajredin Kuçi, shprehet optimist se gjatë kësaj jave palët do të arrijnë pajtim për planin implementues të Marrëveshjes. Ai thotë se muajin tjetër do të shihen veprime të prekshme në fillimin e implementimit të marrëveshjes në veri.

Gjatë një interviste për “Zërin”, bashkëpunëtori më i ngushtë i kryeministrit Thaçi në Qeveri bën të ditur se verifikimin e pjesëtarëve të MUP-it dhe të ashtuquajturës “Civilna Zastita” në veri të Kosovës nuk do ta bëjë Agjencia Kosovare e Inteligjencës (AKI), por EULEX-i.

Kuçi po ashtu nuk e hedh poshtë mundësinë që ish-shefi i SHIK-ut, Kadri Veseli, të jetë kryeministër i ardhshëm i vendit, pas mbajtjes së zgjedhjeve parlamentare vitin tjetër, ndonëse pranon se Hashim Thaçi është lider i pakontestueshëm brenda PDK-së. Ai shprehet i sigurt se s’do të ketë Traktat Paqeje me Serbinë, pa u zgjidhur problemi i të drejtave të shqiptarëve në Luginë të Preshevës.

Zëri: A do të arrini pajtim këtë javë me palën serbe në Bruksel për implementimin e marrëveshjes për veriun?

Kuçi: Tashmë janë përafruar çështjet me palën serbe. Tek tri pika kemi pak dilema, përkatësisht tek çështja që ka të bëjë me Asociacionin e Komunave Serbe, mënyrën e integrimit të strukturave të sigurisë dhe zgjedhjet lokale në nivel të Kosovës.
Në takimin e së martës besoj se gjërat do të jenë të gatshme për të arritur një marrëveshje dhe besoj që kjo javë do të jetë java e arritjes së marrëveshjes mes Prishtinës dhe Beogradit…

PRESHEVË, 20 maj  -Organizata për  kulturë fizike në Preshevë   në kuadër të aktiviteteve sportive organizon turnir në futboll të vogël ku do të mbahet në stadiumin e qytetit në Preshevë.  O.K.F. lajmëron ( njofton)  të gjithë dashamirët e lojës së futbollit se me datën 20.05.2013(  e hënë)   fillon paraqitja e ekipeve, njofton agjencia e lajemeve “Presheva Jonë”

Paraqitja e ekipeve bëhet në zyren e OKF-së prej datës 20.05.2013 deri më 28 maj. Tërheqja e shorteve bëhet me  29 maj( e mërkure)  ora 14:00 në zyren e OKF-së. Ekipi numëron 10 lojtarë , loja zhvillohet në formacion 4+1.Lojërat zhvillohen me sistem eliminimi. Turniri fillon më datën 31.05.3013 e Premte ora 17:00. Pagesa për ekip është 2000 din . Me respekt nga Këshilli Organizativ i OKF-së.

Kerkojmë qe te gjithë pjesëmarresit e këtij turniri  t’i përmbahen rregullave te futbollit. Qëllimi kryesor  i turnirit  është  përkujtimi i të ndjerëve që dhan kontribut për sportin preshevar,  dhe  ta afirmimi i  futbollin në Preshevë dhe rinia Preshevare të merren sa më tepër me aktivitete sportive, argetim, dëfrim përmes lojës  etj.

Me shpresë se turniri ,,MUSA MUSAHU,, në futboll të vogël  do te kaloj si është më së miri dhe se te gjithë  pjesemarresit do ta ndiejnë veten si fitues pavarësisht  se a  zenë vendin e parë ose jo.

PRESHEVË, 20 maj (AIP)  -Televizioni maqedonas “Sitel” ka njoftuar duke paraqitur edhe një hartë të Maqedonisë së Madhe  në të cilën Shkupi pretenton të “grabit” rajone pjesë të Serbisë Jugore, ato të Shqipërisë, Greqisë dhe Bullgarisë… që hisotrikisht njihen si troje shqiptare, shkruan agjencia elajemve “Presheva jonë”

Televizioni maqedonas Sitel dy ditë më parë në faqen e saj zyrtare në Facebook ka publikuar një hartë të “Maqedonisë së madhe”, ku shihen pretendimet maqedonase, madje edhe në Kosovë, pamvrësisht se kjo ish-republikë jugosllave end evet nk ehste shtet apo shtet i shortuar nga Titoja.

Në hartën e “Maqedonisë së Madhe” në të cilën përveç pjesëve të Egjeut që i takon Greqisë dhe Pirinit që është pjesë e shteti bullgar, kësaj radhe kjo hartë e “fryrë” ka përfshirë edhe territore të Kosovës, Luginës së Preshevës dhe Shqipërisë, që hisotrikisht njihen si troje shqiptare, shkruan agjencia elajemve “Presheva jonë”

Kur eshte fjala për pretendimet e maqedonisë sikur edhe të serbisë ndaj Kosovës, Kosova, në fakt qeveria e Prishtinës për momentin nuk ka pretendime së paku bile Luginën e Preshevës të banuar me shqiptarë që i takon historikisht, përvec ndonjë deklarate aty-këtu që flet për të drejtat e njeriut.

E vetmja deklaratë më serioze ditëve të fundit doli ajo e  zv.kryeminsiters Edita Tahiri  e cila për agjencinë e lajmeve “Presheva jonë”, transmetuar pastaj edhe nga mediat shqiptare dhe ato serbe.. e cila deklaruar se “Veriu sikur edhe Lugina, janë toka shqiptare..”. Se Lugina e Preshvës i takon Kosovës ketë të drjetë e bmron edhe  karta e OKB-së që ju garantohet popujve autokton për vetvendsoje. Aq me tepër këtë verdikt për bashkim me Kosovën popullata e Preshevës , Bujanocit dhe Medvegjës (Kosova Lindore) e ka dhënë më 1 dhe 2 mars të vitit 1992, përmes Referendumit gjithpopullor ku 99 % ishin përcaktuar për ribashkim me shtetin amë, Republikën e Kosovës.

Historiani Bojan Dimitrijeviq shpjegon se kjo është një histori e vjetër politike që Maqedonia.

- Harta e bashkangjitura me pjesë të Serbisë, Shqipëria, Greqia, Bullgaria, territori i ashtuquajturi si Maqedonia e madhe. Gjatë Jugosllavisë socialiste, Maqedonia ishte botuar edhe shpesh të përfshijë më shumë hapësirë se sa është i përfshirë në të vërtetë. Kjo është një tendencë e vjetër e atyre që përfaqësojnë nacionalizmin maqedonas – thotë Dimitrijeviq.

Përndryshe, konfliktet e ndryshme mbi territorin maqedonas e kaluar nga 19 shekulli. Pastaj rreth rajonin e diskutueshëm të Greqisë, Serbisë dhe Bullgarisë. Pas Luftërave Ballkanike, Serbia shkoi në Maqedoninë e Vardarit, Bullgaria, Greqia Egje dhe EPirin. Pas shpërbërjes së Jugosllavisë ka pasur një mosmarrëveshje shtete të reja të pavarura të Maqedonisë dhe Greqisë rreth emrit, sepse grekët besojnë se vetëm ata kanë të drejtën historike për emrin e Maqedonisë, dhe për shkak se ish-republika jugosllave mbulon vetëm një pjesë të rajonit të famshme.
Pamvarësisht se pretendimet e një shetti artificial, në këtë rast të Maqedonisë për të marrur Luginën e  Preshvës (apo serbinë jughore, siq trumbetojnë mediat serbe)  është utopike, por është një alaram për ata që kanë vesh, apo ndyrshe mesazhi mund të kuptohet se kur s je i zoti jetër kush mund ta marrrë kafsahtën para goje…

Prandaj edhe kohëve të fudnit disa liderë të Luginës së Preshevës të ftohur me rolin dhe anagzhimine  qverisë së Kosovës ndaj Luginës apo siq thuan shpesh si “të harruar” apo i paskan “kthyer shpindën Kosova” kanë dalur me opcione të reja për bashkim të ljuginës së prehvës me FYROM-in ?! edhe pse botërisht dihet vullneti i péilllatës së keytre treva se kujt tduan t’i bashkangiten.

Zëvëndëskryeministri i Kosovës Hajredin Kuçi, thotë për DW se partitë politike dhe institucionet e Kosovës duhet të bëjnë veprime që janë atraktive për pakicat, por, në rastin konkret, për vendet e rezervuara në parlament sipas tij, nevojitet një konsensus i gjerë politik.
Institucionet e Kosovës duhet të bëjnë veprime që janë atraktive për qytetarët serbë. “Ne duhet të bëjmë veprime që janë atraktive për qytetarët serbë të të Kosovës, ne duhet të bëjmë veprime edhe në kuptimin politik, ekonomik dhe të tjera. Ne kemi parë që në kuvendin e Kosovës nuk rrezikohet Kosova dhe vendimarrja në kuvend nga prezenca pak me e madhe apo më e vogël e pakicave në vecanti edhe e pakicës serbe”, thotë Hajredin Kuci.
Zëvëndëskryeministri Kuçi, thotë se përfaqësuesit e pakicave kanë qënë shumë konstruktiv në parlamentin e Kosovës, prandaj sipas tij “Kosova nuk duhet t’i ketë frikë veprimet e pakicave”. “Viteve të fundit ata kanë qenë shumë bashkëpunues edhe me veprimet dhe vendimet që i kemi marrë, duke mos harruar edhe vendimin për heqjen e mbikqyrjes ndërkombëtare të pavarësisë. Pra, unë mund ta them edhe si nënkryetar i Partisë Demokratike të Kosovës ( PDK ) që ne do të jemi fleksibil. Këtu korkohet një koncensus i gjerë politik dhe kërkohen dy të tretat e votave në kuvendin e Kosovës”, thotë Hajredin Kuci.
Disa parti të shumicës janë kundër vendeve të rezervuara për partitë e pakicave
Por, kërkesa e pakicave, sidomos e serbëve për vazhdimin e praktikës së vendeve të rezervuara në kuvend nuk është kaq e thjeshtë. Kjo për faktin që duhet të bëhen ndryshimet e nevojshme kushtetuese sikundër që duhet të ketë një kompromis të gjerë të spektrit politik.
Dy parti parlamenare, Lidhja Demokratike e Kosovës LDK dhe Lëvizja Vetëvendosje, hapur e kundërshtojnë kërkesën e partive të pakicave.

Shefi i grupit parlamenar të partisë më të madhe në opozitë LDK-së, Ismet Beqiri, konsideron se çështja e vendeve të rezervuara tashmë është e mbyllur.
Vazhdimi i praktikës për vende të rezervuara është shkelje e kushtetutës: “Nuk e shohim të arsyeshme që të ketë vazhdim të mandateve të rezervuara. Kushtetuta e Kosovës dhe Pakoja e Presidentit Ahtisaari e ka paraparë që ulëset e rezervuara të jenë për dy mandate dhe ato po përmbyllen me këtë legjislaturë”, thotë Ismet Beqiri.
Kuvendi i Kosovës pak para heqjes së mbikqyrjes ndërkombëtare të pavarësisë, ka miratuar 22 amendamente kushtetuese, ku kishte vendosur që vendet e rezervuara për pakicat t’i shndërroheshin në vende të garantuara. Çdo kthim prapa tash do të shënonte shkelje të Kushtetutës së Kosovës, pos në rastin kur për një ndryshim të tillë mund të votojnë pro 80 deputetë, dy të tretat e deputetëve të kuvendit të Kosovës.

KF Presheva është kampione e Ligës Komunale në Futboll të vogël 2012/2013. Presheva mposhti KF Miratocën nëpërmjet penaltive. Rezultati përfundimtarë i ndeshjes ishte 1:1. Pas saj ekipet shkuan në vazhdime dy herë nga 5 minuta, ndërsa ndeshja përfundoi 3:3, njofton agjencia e lajmeve “Presheva Jonë”

Nën një atmosferë të zjarrtë që shumë kohë në stadiumin e vogël të qytetit në Preshevë nuk e kemi parë, është zhvilluar ndeshja finale e Ligës Komunale në futboll të vogël në mes dyja ekipeve finaliste KF Presheva dhe KF Miratoca, të cilat në përbërjen e tyre kanë lojtarë të rinjë dhe me cilësi.

Ndeshja filloi e barazpeshuar ku dyja ekipet pritshin gabimet e kundërshtarëve për të rreizkuar portën, ndërsa gjatë gjithë kohës afër 2.000 shikues në tribina përkrahshin ekipet e tyre.

U desh të vinte minuta e 13 e ndeshjes për tu shënuar goli i parë i takimit nga ana e KF Preshevës. Me këtë rezultatë përfundoi edhe pjesa e parë. Në pjesën e dytë Miratoca kërkonte golin e barazimit dhe gjatë gjithë kohës lojtarët kanë sulmuar. Por ata në shumë raste kanë rrezikuar pasi portiere tyre shumë herë ka marrë edhe primatin e organizatorit të ndeshjes duke lëshuar portën gjatë gjithë pjesës së dytë, mirpo Presheva në asnjë moment nuk përfitoi nga kjo.

Kur sulmon edhe shënon. Në minutën e 25 Miratoca me një golë jashtëzakonishtë të bukur dhe nga largësia shënon dhe barazon rezultatin në 1:1. U desh ky gol që thuajse i gjithë publiku të futet në stadium dhe të festojnë me lojtarët.

Rezultati 1:1 ishte edhe rezultati përfundimtarë.

Pas kësaj ekipet shkuan në dy vazhdime me nga 5 minuta. Gjatë pjesës lojës së parë të shtesave saktësishtë në minutën e 33 Presheva kalon edhe njëherë në epërsi duke realizuar për 2:1. Ndërsa pjesëloja e dytë e shtesave ishte e jashtëzakonshme për shikuesit. Në minutën e 38 Presheva përsëri shënon dhe dyfishon avantazhin në 3:1 në minutën e 38. Kur të gjithë menduan se fitorja e preshevarëve ishte e sigurtë kështu nuk menduan miratocasit. Ata besuan në vetvete. Festa e preshevarëve nuk zgjati shumë, sepse në minutën e 39 Miratoca së pari ngushton epërsinë në 3:2, kurse pas saj ende pa ulur mirë publiku i tyre ata përsëri i ngritën në këmbë duke barazuar rezultatin në 3:3.

Ky ishte edhe rezultati final i ndeshjes. Gjatë ekzekutimit të penaltive portiere KF Preshevës ishte shumë më i sigurtë.

Të parët ekzekutuan preshevarët ku edhe shënuan. Miratoca e humbi penaltinë e parë. Por edhe presheva e humbi penaltinë e dytë, me çka e bëri që Miratoca të shpresonte. Por ata përsëri u treguan të pasigurtë dhe humbën edhe penaltinë e dytë. Penaltinë e fundit dhe vendimtare KF Presheva e shënoi dhe pastaj ata filluan festën e tyre e cila zgjati deri në mbrëmje nëpër rrugët e Preshevës.

Organizatori i Ligës Komunale në Futboll të Vogël OKF e cila në mënyrë të përkryer ka përmbyllë këto gara, në fund ka ndarë edhe mirënjohje dhe shpërblime.

Mirënjohje për kontributin e dhënë:

Rtv Presheva

Stacioni Policorë

Presheva.com

Preshevaneës.net

Dr. Ramiz Latifi

Ekipi Fair Play është zgjedhur KF Presheva

Trajneri më i mirë Gafurr Fejzullahu ( KF Geraj )

Portiere më i mirë Lulzim Jusufi ( KF Miratoca )

Golashënuesi më i mirë Labinot Ferati ( KF Presheva )

Lojtari më i mirë Labinot Ferati ( KF Presheva )

Vendi i III Stacioni Policorë

Sekretari i OKF-së Nderim Ajvazi falenderon gjitha ekipet për pjesëmarrje dhe publikut për atmosferën e dhuruar gjatë gjithë sezonit 2012/2013. Ai është i kënaqur me ecurinë e kampionatit dhe me të gjitha ekipet pjesëmarrëse, ndërsa dy ekipet finaliste KF Presheva dhe KF Miratoca i kopmlimenton për lojën Fair Play-it.  Ndeshjen e bukur e vendosi fati në mes të penaltive.

Aktiviteti tjetër i OKF-së në futboll të vogël do të jetë turneu tradicional “Musa Musahu” në fillim të muajit Qershor.

Në foto, poshtë nga e majta: Vehbi Bajrami (Botues “Illyria” New York, Ing.dipl.Selami Mustafa (profesor në Gjimnazin “Skenderbeu” dhe Nefail Maliqi, publicist, gazetar në OKB-Gjenevë)

Cfarë  don të thotë të takohesh pas tri decenive me shokët dhe shoqet e klasës..? .Një mbrëmje sa e hareshme po aq nostalgjike, cfarë biseduan, atmosfera, mallengjimi por shokët e shoqet klasës a njiheshin, ju kujtoheshin profesorët, bankat e shkollës , dërrasën e zezë, duke mos i harruarar as shkumsat që shpesh na shërbenin jo vetëm për të shkruar, por edhe për t’u gjuajtur ha, ha, ha…Pastaj, kur iknim nga orët e mësimit,  sidmos dembelët, në rastet kur ishim të pa përgatitur…Kjo ishte mosha më mirë por edhe e udhëkyrqeve.

Mbrëmjen edhe me të lumtur e bënë prania e profesorëve si: Mexhid  Mehmedi, Xhemaludin Rexhepi, Rafet Murtezi, Mejdi Jusufi, Ibrahim Kadriu, Ilmi Kamberi  Xhevdet Nuredini, Zija Hyseni. etj…
Po japim vetëm ca emra të ish-maturnantëve që sot kane arritur suksese ne karrierën e tyre duke i kontrbuar jo vetëm  shoqërisë dhe cështjes së Luginës së Preshvës por edhe asaj mbarë kombëtare si: Vehbi Bajrami (Botues “Illyria” New York) dr. Gjylferie Sherifi (mjeke), Xhemail Halili (shkrimtar)  Nefail Maliqi (gazetar OKB, Gjenevë), dr.Kadrie Sahiti (mjeke) Besnik Sadriu (pilot), ing.dipl. Selami Mustafa (profesor ) , Ing.dipl. Musa Isahu, dr. Fejzullah Nebiu (specialist neuropsikiatër) , Imran Pajaziti (jurist),  Nexhemdin Veliu (petagog), Adnan Ymeri (Nga Fondacioni i Kosovës Lindore -Zvicër), Shejnaze Musahu, Bujar Salihu…

Fatos Kadriu Nakshie Veliu, Halit Abazi, Skender Memishi, Bajram Daku, Agron Sahiti, Ali Miftari, Lumnije Kamberi,  Xhemile Sadriu,  Naim Sadriu.. Në fakt pjesa dërmuese e kësaj gjenerate kishin mbaruar nga një fakultet, apo së paku nga një shkollë të  lartë apo që posedonin nga një biznis në fusha të ndyshme, që të gjithë me funksione e  tituj..që ne nuk ia arritëm t’i mësojmë,

Kur i kujtonim gjitha këto nuk munguan as lotët…Ishte kjo gjenerata e viteve më të vëshitira,  e sakrificave dhe vuajtjeve, krizave ekonomike dhe politike, shtypjes dhe diskiminit deri tek plasja e luftës…..Prandaj edhe maturantët e gjeneratës së XIX të vitit shkollor  1982/1983  u vlerësua larte dhe u konsideruarua si nga ana e profesorëve ashtu edhe  nga  analsitët, si  gjenerata më e frytshme (bereqetshme)  më progesive në Luginën e Preshevës, ku  në mesin e tyre kishte edhe luftëtar e komandant të UCPMB-së.

Nderkaq sot po ajo gjeneratë, është bërë krenaria dhe mburrja  e Preshevës e Kosovës Lindore, pamvarësisht se ishim berë pikë e pesë. Thonë, guri peshon më shumë në vend të vet…Por, këtë thënie e kundershtojnë dhe ja humbin kuptimin disa emra të lartëpërmendur të cilët korrën suksese në akrrirëne tyre profesinale apo të bznesit  të cilët i ndihmuan dhe po i kontrubuojnë  sensiblizimit dhe zhvillimit të cëshjes së Luginës së Preshvës dhe asaj mbarfë shqiptare në arenën ndërkombëtare. Dmth, po e shifni,  guri gjithnjë nuk po peshuaka  vetëm në vendin e vetë, por ngajëherë edhe jashta vendit, siq kishte deklaruar shkrimtari i madh Ismajl Kadare në intervistën e fundit për agjencinë e lajmeve “Presneva jonë”.

Në fillim të mbrëmjes para se t ja fillonte daka solemne me muzikë të shkëlqyer për pak minura mysafirëve rreth dyqind sish, shokëve dhe shoqeve në emër  të maturantëve dhe profesorëve Xhemail Halili ju uroi mirëseardhje cili edhe kishte përgatitur fjalën përshëndetëse me rastin e  30-vjetorit të  maturantëve e gjeneratës së XIX të vitit shkollor  1982/1983

Të nderuara shoqe, të nderuar shokë të gjeneratës, profesorë të nderuar, të nderuar miq

Ky takim yni pas 30 vjetësh e ka simbolikën e vet, e ka mallëngjimin e vet, e ka kënaqësinë e vet. Sepse nuk janë pak 30 vjet nga koha kur ishim maturantë, nga ajo koha kur siç thonë, ende buza na pikonte qumësht. Nga koha kur në mendjet tona kishim nisur të farkëtonim ëndrra për të një ditë të bardhë plot liri e diell.

Nuk janë pak mbi dhjetë mijë ditë, hej dhjetë mijë ditë të kaluara, nëpër rrugën e quajtur jetë, nëpër këtë rrugë të gjatë e aspak të shtruar me lule.

E ne, siç e shihni, arritëm t’u bëjmë ballë sfidave të kohës, e të jemi bashkë në këtë natë që kurrë s’do ta harrojmë, në këtë natë e cila bashkë me gëzimin, pjesë do ta ketë edhe mallëngjimin për ditët e kaluara, pjesë do ta ketë edhe dhembjen për ndonjërin i cili nuk është në mesin tonë, pjesë do ta ketë edhe mungesën, për ata që nuk mund të jenë tash me ne, natë e cila do ta ketë edhe rigjetjen, sepse me ndonjërin nuk jemi takuar kurrë më nga koha a maturës, natë e cila do të na bëjë të derdhim lot…

Të nderuara shoqe, të nderuar shokë të gjeneratës, profesorë të nderuar, të nderuar miq,

Kur vendosa t’i shkruaj këto radhë, për këto vite të kaluara, vetes ia dhashë një detyrë: politika këtu s’do të kishte vend… E them që në fillim se nuk arrita dot ta mbaj premtimin që i dhashë vetes. Sepse, si mund të jetë e përjashtuar politika e cila na përcaktoi dhe po na përcakton jetën tonë?.

Të nderuar shokë, ju kujtohet, kur pas mbarimit të shkollës së mesme, neve djemve na tretën nëpër pjesë të ndryshme të këtij Ballkani të sertë të ruanim “atdheun” i cili s’mund ta ruante veten.

Aty përjetuam grusht të rëndë, me të cilin sikur na u bë me dije se në jetë do të na dilnin sfida të mëdha. Vajzat, shoqet tona të nderuara, mësynë shumica fakultetet, ndonjëra ndoshta mjerisht edhe nuk e kishte atë fat. Kështu pahetueshëm, po rrëshqisnim nga koha e rinisë në një kohë tjetër e cila po na përgatiste të ballafaqoheshim me telashet e jetës.

Sa më shumë na dilnin sfida, aq më shumë trimëronim veten; me zë të fuqishëm pohonim: në rrugën tonë nuk na ndal kush!. Kështu na kishin mësuar prindërit tanë bujarë, kështu na kishin edukuar profesorët tanë të nderuar. Ideali për një jetë më të mirë, për një diell lirie, përherë na jepte forcë, na jepte shpresë.

Duke ditur se jeta na priste me valët e saj të egra edhe ne djemtë, pas një viti të mynxyrshëm, mësymë dyert e Universitetit të Prishtinës dhe të universiteteve të tjera, për t’u bërë zot të vetvetes, për t’u pajisur me armën më të fortë të quajtur dituri. Përkundër vështirësive të mëdha, të cilat na i sillte kjo kohë zezonë, ne arritën të kalonin edhe këtë sfidë të jetës.

Sikur për inatin tonë, sfida e ndiqte sfidën. Diplomat e fituara, për shumë ne kishin kuptimin e një dekori, kur s’mund t’i fusnim në përdorim. Ishin më shumë një letër e cila na shprehte ngushëllim për gjendjen tonë të rëndë në një shoqëri të sëmurë, e cila duhej shëruar. Disa të paktë patën fatin të punësohen në vendlindje, të tjerët mësynë rrugët e botës. Edhe në këtë rrugëtim biblik kishte një varg sfidash.

Përveç dhembjes dhe mallit për këto troje stërgjyshore, ata që mësynë dyert e botës panë të zitë e ullirit për të gjetur punë dhe për të mbijetuar së pari për vetveten. Pastaj, shokët dhe shoqet e gjeneratës sonë, nëpër botë, u bënë krah i fortë yni për ngritjen e kauzës sonë për liri.

Ata trokitën fort në ndërgjegjen e Europës dhe të Amerikës e cila më në fund foli: ky popull i shumëvuajtur meriton liri. U desh botë e qytetëruar të na ndihmonte për të gjunjëzuar agresorë e regjime, të cilat nuk mund ta hiqnin vellon e së kaluarës.

Mandej ndodhën transformime të mëdha në këtë pjesë të Europës Juglindore, në këto troje shqiptare. Në këto valë të forta e të turbullta u desh të mbijetonim dhe të dilnim fitimtarë. A ia arritëm? Besoj në masë të madhe po. Më së keqi mbeti Presheva, Bujanoci dhe Medvegja? Demokracia erdhi në këtë pjesë të Balkanit si një imperativ i kohës, por këtu erdhi shumë e zbehtë. Shpresuam fort se popujt e kësaj pjese të Europës  ishin ngopur armiqësi me shekuj, por realiteti ende po e tregon të kundërtën.
Të nderuara shoqe, të nderuar shokë, profesorë të nderuar, të nderuar miq.

A nuk ishte gjenerata jonë, pjesë e një gjeneratë e cila e përjetoi gjithë këtë furtunë. A nuk e paguam edhe ne këtë trishtim në mënyra të ndryshme: dikujt i kushtoi me jetë, dikujt me burg e rrahje, dikujt me largim e syrgjynosje, dikujt me vuajtje për bukë të gojës e dikujt me diskriminim?.

Ishim dhe jemi gjeneratë e vuajtjeve të mëdha por edhe gjeneratë e krenarive të mëdha. Asnjëherë ideali ynë për një jetë më të mirë, për një të ardhme më të mirë, për një liri të vërtetë nuk na është ndalur.

Sepse ora e historisë po punon në të mirën tonë, në të mirën e gjeneratës sonë. Lusim për një liri e demokraci të vërtetë edhe për të tjerët, me të cilët jeta na ka dhënë fatin të jemi afër. Sepse vetëm atëherë kur demokracia dhe liria e plotë të jetë një e përbashkët e të gjithë neve që jetojmë këtu, vetëm atëherë, ajo e ka kuptimin e saj të vërtetë.

Shpresoj se do ta arrijmë atë ditë, atë ditë të bardhë të projektuar në kokat tona para 30 vjetësh, për një jetë edhe më të mirë për ne dhe për gjeneratat që do të vijnë pas nesh. Pra, për gjeneratën tonë, për gjeneratat që do të vijnë pas nesh, për fëmijët tanë: gëzuar, gëzuar, gëzuar.

C’est la vie !..

Në mb¨rmjen e maturës pas 30 vitesh tkaum edhe këta shoke e shoqe qëd ikur ishim një një bankë, në një kalsë apo shkollë që sot nuk jemi bashkë ndoshta sa në një shtet e dnishta e as në një kontinet, kësja i thonë c’est la vie !…

Naxhije Hajdari,   Mizafere Xhemaili, Galip Halimi, Hasije Ahmeti, Isa Aliu,  Sylejman Aliu, Xhevat Fejzullahu, Mentor Beqiri, Haxhere Aliu,  Nasuf Shabani,  Mizafere Destani, Mesud Aliu, Arben Ismaili, Sulejman Bina etj..Edhe këta që i përmendëmn të gjithë kishin nga një titull kush profesor e kush ingjinier apo mësues apo me biznis, por nuki na kujtohen, kerojmë falje dhe besojmë se nuk na e zënë për të madhe…
Por pas 30 vitesh maturantët e gjeneratës së XIX të vitit shkollor  1982/1983 u ndanë ayt ku edhe u abshkua tek “Skenderebe”, që e kishin lënë me gjenerat të reja, ne diell, shi e dëborë,ftoft e acar që ky “Skenderbe”  bërë ball, i bëri stuhi gjitha kohrave përgjatë tridhjet vjetëve..Dhe mu aty uaty tek “Skenderbeu” u bashkaun sërish.

Pos “Skenderbeut” të gjithë ishin plakur nga pak, por e kishim jë përshtypje më shumë meshkujt se sa femrat.  Dikush e komentoi në shkaka  këtë fenomen, se kanë marrur ose burra të sertë  ose gra të serta ).

Për tri decenie secili kshte fituar nga 3 rrudha në ballë e dikush nga 3000 thinja në kokë  u bashkuam, u takuam  prej nga u ndanë me lotë e me ethe për studime, kush mbaroi sgtudimet dhe diploamt i mbeten vetëm dekor, dikush edhe pati sukses të punësohet, gjithkush sipas fatit, apo siq ja kishte bërë Zoti vi me kalem të ardhmen e tyre…e shumë syresh ja kishin mësyer  perendimit, me  valixhe n’dorë në rrugën e kurbetit për r të fituar kafshatën e bukës…të cilët fituat më shumë se një kafshatë bukë, mbajtën dhe mbajnë familje dhe po i kotrbuojnë shoqërisë dhe atdheut në mënyra të ndryshme.

SARAJEVË, 20 maj (AP)  -Pas dënimit me 40 vjet burg nga Haga ndaj serbit Goran Jelisic për krime lufte, dje gruaja e tij Monika Karan Iliç (37 vj.) është dënuar  me katër vjet burg.po ashtu për krime lufte kundër joserbëve, njofton agjencia e lajmeve “Presheva jonë”.

Edhe femrat serbe kriminele. Kjo grua dënohet për krime lufte me 4 vjet, ndërsa burri i saj 40 vjet burg

Kjo serbe e Bosnjës, Monika Karan Iliq, u dënua të premten për katër vjet në burg për krime të luftës të kryera kundër civilëve jo-serbë në Brcko (verilindje) në fillim të luftës në Bosnje (1992-1995). Kjo është femra e tretë e një gruaje për krime lufte nga drejtësia boshnjake.

Monika Karan Iliq, 37 “, u dënua për krime lufte kundër popullatës civile (…) të kryera në kampin e burgimit” Luka “, dhe policia në Brcko në maj dhe qershor 1992″ . 37 vjeçarja,u shpall fajtore pasi në kohën kur ishte 17 vjeçare, kishte trajtuar në mënyrë çnjërzore civilët.
Karan Ilic u arrestua në dhjetor të vitit 2011.

Sipas shoqatave të viktimave të krimeve të luftës, ajo kishte marrë pjesë në konflikt filloi kur ajo ishte 17 vjeç, krimet veçanërisht mizore kundër muslimanëve dhe të të burgosurve kroatë në kampin e burgimit Luka.

Sipas medias lokale, ajo ishte në kohën e Jelisic përbashkët, i dënuar në vitin 1999 nga Tribunali Penal Ndërkombëtar për ish-Jugosllavinë (TPI) me 40 vjet burg për vrasjen e më shumë se 100 njerëz në kampi i njëjtë paraburgimi. TPI konfirmoi në korrik të vitit 2001, në apel, dënimi kundër Jelisic, i cili e quajti veten “serb Adolf”, të quajtur pas diktatorit nazist Adolf Hitler.

De Forest ka marrë 281 pikë, për t’u pasuar nga përfaqësuesi i Azerbajxhanit, Farid Mammadov, i cili ka dalë i dyti me 234 pikë.

Kënga e tij “Hold me” ka qenë një tjetër performancë e shquar për Azerbajxhanin, i cili vitin e kaluar ka qenë nikoqir i Eurovizionit.

Në vendin e tretë ka dalë Ukraina, përfaqësuesja e së cilës, Zlata Ognevich, me këngën “Gravity”, ka marrë 214 pikë.

Pikët janë dhënë nga juritë kombëtare në 39 vende të Evropës dhe përmes votimit të teleshikuesve. Rregullat kanë ndaluar votuesit të votojnë për përfaqësuesit e vendeve të tyre.

Eurosongu i 58-të me radhë është ndjekur nga 125 milionë teleshikues në mbarë botën.

Fitorja e bën Danimarkën nikoqire të garës vitin e ardhshëm.

Danimarka ka fituar garën edhe dy herë të tjera – herën e fundit në vitin 2000, kur Vëllezërit Olsen kanë triumfuar me këngën “Fly on the Wings of Love”.

Emilie de Forest ka performuar zbathur, e mbështetur nga flauta dhe daullet. Në një intervistë nga Eurovizioni, është shprehur tejet e lumtur për fitoren.

“Votimi ishte shumë i afërt me vendet e tjera. Jam shumë e lumtur dhe dua të falënderoj Evropën për besimin në mua, besimin në këtë këngë, si dhe miqtë dhe familjen time”, është shprehur de Forest.

Ajo ka thënë se suksesin ia kushton nënës së saj dhe babait të ndjerë.

“Jam shumë e lumtur që kam fituar për Danimarkën dhe posaçërisht në Suedi. Babai im ka qenë suedez dhe ai do të ishte shumë krenar. Thjesht, jam shumë e lumtur”, ka thënë de Forest.

Në edicionin e sivjetmë, Shqipëria është përfaqësuar me këngën “Identitet” nga Adrian Lulgjuraj dhe Bledar Sejko, por nuk ka arritur të kualifikohet në finale.
Shqipëria merr pjesë në Festivalin Evropian të Këngës që nga viti 2004, kur Anjeza Shahini ka zënë vendin e shtatë me këngën “Imazhi yt”.

Pos Greqisë, asnjë shtet i Gadishullit Ballkanik sivjet nuk ka qenë i suksesshëm. Në gjysmëfinale kanë mbetur edhe Serbia, Kroacia, Maqedonia, Mali i Zi dhe Bullgaria.

Kjo ka ndodhur në prag të zhvillimit të protestës homazh për “21 janarin”, ku një agjenci serioze ka paralajmëruar çiftin mbrëmjen e 27 janarit për rrezikun e eliminimit fizik të Ramës. Por kjo nuk e frikësoi liderin e opozitës dhe pavarësisht kësaj më 28 janar u mbajt protesta homazh për 4 protestuesit që mbetën të vrarë më 21 janar.

Nga: Behgjet PACOLLI

Duke i lexuar shkrimet dhe dëgjuar komentet për ndodhitë e fundit në AKP dhe rreth riformatizimit të Qeverisë, vendosa që nga pozita krejtësisht neutrale të bëj këtë koment të stërzgjatur pak, duke pasur parasysh edhe nga pak anën emocionale timen.

Këtë koment nuk do ta lidhja me ndonjë obligim as moral dhe as profesional, për t’iu përgjigjur autorëve të këtyre thashethemeve, por me këtë dëshiroj të komentoj për opinionin publik i cili meriton të jetë i informuar drejt.
Me gjithë respektin meritor për mediet, të cilat do t’i ndaja këtu në dy grupe; në medie autoritative që respektojnë kodin gazetaresk (të cilat janë të pakta fatkeqësisht në Kosovë) dhe në ato të ashtuquajtura media që funksionojnë në mënyrë të egër, tendencioze, pa kurrfarë respekti për profesionalizmin, që nga pronarët e tyre përdoren si instrument për të denigruar çdo gjë, vetëm për arritjen e synimeve të pronarëve të tyre, synime këto të cilat lidhen ngushtë ose me interesat e tyre, ose nga frustrimi, inatet e zilitë ndaj personave të caktuar.
Siç e dinë të gjithë, unë në Kosovë nuk kam ardhur për të krijuar ekzistencën time nga politika, por kam ardhur nga një sukses me renome botërore, të arritur me punë mbi 40-vjeçare. Selinë, biznesi im e ka në vendin më demokratik në botë, aty ku dominon respektimi i ligjit, nderi, sinqeriteti, pra në Zvicër. Aty kam krijuar edhe ardhmërinë, jo vetëm timen, por edhe të gjithë farefisit tim të gjerë. Si rezultat, vëllezërit e mi, kushërinjtë e mi, sot i udhëheqin këto kompani të rangut botëror, që shërbejnë si model i korrektësisë, kualitetit dhe përgjegjshmërisë në të gjitha fushat ku operojnë. Si rezultat i kësaj, që nga vitet 1993 dhe këndej, grupi i këtyre kompanive ka një xhiro sa dy herë e gjysmë buxheti i Kosovës.

Madje,tani renditen klientët të cilët duan të punojmë me Mabetexin (si rezultat i kësaj është edhe suksesi i fundit i projektimit dhe ndërtimit të EXPO 2017 në Astana që kap shifra shumë miliardësh). Mos të flas për projektet e realizuara në të shkuarën, të cilat sot shihen, preken dhe në to punojnë qindra mijëra njerëz nëpër botë. Jam krenar që këto projekte janë ndërtuar ekskluzivisht nga punëtorët dhe ekspertët e vyeshëm të Kosovës që meritojnë çdo lëvdatë dhe këta janë të shumtë, disa mijëra, jo vetëm tani, por që nga vitet 90 e këndej. Këta janë njerëz, që me paratë e fituara atje ndërtojnë ardhmërinë e tyre në Kosovë.
Ishte ëndërr edhe imja si e çdo kosovari që t’i kontribuohet vendit. Unë kontributin tim, kam menduar ta jap në zhvillimin ekonomik të vendit, vullnet ky që çdokund do të gjente mirëkuptim. Në Kosovë, mua personalisht më ndodhi e kundërta. Në vend se të mirëpritej, kjo iniciativë tani përdoret si shkak për të denigruar personalitetin tim me fyerje e sharje, të padinjitetshme, të pamoralshme, destruktive e çdo gjë tjetër. Kompanitë e krijuara nga unë, sot përpos atyre mijëra personave jashtë vendit, garantojnë edhe punësimin e më se 2500 vetave këtu në Kosovë. Sa fitimprurëse janë kompanitë e mia këtu në Kosovë, po të mendoja në aspektin ekonomik do të turpërohesha t’ua them. Ato vazhdojnë të punojnë me humbje dhe ekonomikisht janë të paarsyeshme (për shkak të mungesës së fuqisë blerëse në Kosovë) dhe ju them se këto humbje mbulohen nga subvencionimi nga firma amë në Zvicër. Këtë më së miri e dëshmojnë remitencat bankare që vijnë, qofshin pagat e punëtorëve që punojnë jashtë, qofshin subvencionet për ndërmarrjet kosovare.

Entuziazmi im për t’i kontribuar ekonomisë së vendit, nga pozita “ex oficio” do të më humbte që në fillim kur kuptova se mirënjohja pothuajse nuk ekziston më, kur e kuptova se këtu vjen në shprehje fjala e urtë që “nuk ka profet në vendin tënd”! Shpresova shumë që nga pozita institucionale do të krijohej mundësia për të vepruar, ngase këtu ekziston nevoja çdo ditë e ndokund. Edhe këtu shpejt demoralizohem, kur dëgjoj se për çdo iniciativë që shkon drejt reformave (për të cilat ka nevojë ky vend), nga qarqet e ndryshme ngritën zërat se “ky e ka për interes të vetin”. Autorët e këtyre thashethemeve sigurisht e bëjnë për shkak të nivelit të ulët të vetëdijes ose për shkak të inateve. Këtyre të padijshmeve u rekomandoj që ta konsultojnë realitetin kurse për këta tjerët, unë kam vetëm një përgjigje brutale, nga se u them atyre se ju nuk meritoni përgjigje më të mirë “ju nuk e thoni të vërtetën sepse ëndërroni të jeni dhe të jetoni jetën time qofte edhe një minutë, por dua të ju dëshpëroj, se me shpirtngushtësinë tuaj nuk do t’ia arrini kurrë! Ju e dini vetë kush jeni dhe çka përfaqësoni. Këtu dua të kërkoj ndjesë për publikun e sinqertë që e lexon këtë, dhe ju them se kjo nuk është mënyra e sjelljes time, por kjo përgjigje është vetëm për ata që e dinë vetë kush janë.

T’i kthehemi AKP-së. Unë nuk kam ditur për ekzistencën e zotit Rexha. Atë e kam takuar vetëm njëherë, tek ambasadori i Britanisë. Zonjën Dardane Peja asnjëherë në jetën time s’e kam takuar, dhe asnjëherë nuk e kam njohur.
Pas të bërave të zotit Rexha në AKP dhe pas tërheqjes së zonjës Bernadett Roberts nga bordi i AKP-së, e kam parë të arsyeshme që të rekomandoj zotin Rexha të tërhiqet menjëherë, për arsye se dëmi për ekonominë tonë shkonte në kahe të pariparueshme. (analizojeni kontributin ekonomik që SHBA ka dhënë për Kosovën, vetëm në konferencën e donatorëve në Bruksel, 500 milionë euro) e mos të flasim për dëmin politik. Zoti Rexha, nëse e konsideron veten më të mençurin, është dashur të kërkoni menjëherë falje dhe të dorëhiqeni e mos të bënit deklarata arrogante që vetëm parlamenti mund të më shkarkojë. Zoti Rexha ma jep një dëshmi të vogël që unë kam pasur interes për Trepçën ashtu siç ju deklaroni në media, ose ma jep vetëm një dëshmi që unë kam ndikuar te zonja Peja që ajo të dorëhiqet.
Jo zoti Rexha, nuk është e vërtetë dhe urdhëro kërko falje! Jam shumë mirënjohës për atë që ka ndodhur, që tani të kemi një ministër të sinqertë, professional në Zhvillimin Ekonomik, dhe dashtë Zoti që ai mos të pengohet në mënyrë që ne ta jetësojmë idenë tonë, dita e së cilës moti i ka ardhur, atë të reformave ekonomike.

I garantoj qytetarët e Kosovës se, nëse konstruktiviteti i kolegëve tanë në qeveri do të ekzistojë, ne do të fillojmë ndërtimin e kapaciteteve energjetike, në bazë të formulës PPP. Ato asete që kanë mbetur do të përdoren për krijimin e veprimtarive me partneritet publiko-privat, do të fillojë trajtimi i minierave, të cilat që 15 vjet kanë mbetur jashtë funksionit dhe do të krijojmë mundësi për fillimin e krijimit të ndërmarrjeve për zhvillimin e agroekonomisë. Do të vazhdojmë punën në krijimin e një ambienti të sigurt për të bërë biznes e shumë të tjera. Do të insistojmë pa u ndalur, edhe te kolegët tanë të ministrive të tjera që të rishikohen ligjet, e sidomos ato të gjyqësisë, në mënyrë që veprimtarëve ekonomikë t’u lehtësohet jeta afariste.

(Autori është presidenti i AKR-së dhe zv/kryeministër i parë i Kosovës)