"Diplomatja" Selimi e kosulatës në Cyrih e lenë Demacin n'banhof për të bërë auto-stop ?!

Tre shkrimtarë, dy mësimdhënës universiteti dhe një punonjës shkencor instituti, të gjithë nga Kosova, kishin mbetur “jesirë” midis Cyrihut të hënën e dytë të shkurtit, tek kishin dalë për të shëtitur dhe nuk kishin ditur nga t’ia mbanin. Konsullata e Kosovës nuk ua kishte vënë në dispozicion një punonjës për t’i orientuar.

Konsullja Dhurata Selimi ka marrë një vërejtje me shkrim nga drejtori i përgjithshëm i Ministrisë së Punëve të Jashtme, Lulëzim Mjeku, ditën kur Lidhja e Shkrimtarëve e Kosovës është ankuar në të. Vërejtja e shkruar i është dhënë pa i paraprirë asaj dyverbale, që kërkon ligji. Po kështu, edhe pa dëgjuar versionin e saj për ngjarjen.

E kontaktuar nga “Koha Ditore”, konsullja Selimi e ka cilësuar të ngutur reagimin e Ministrisë dhe ka treguar se anëtarët e delegacionit e kanë pasur ditë të lirë këtë të hënë, dhe vetëm kanë dashur të shëtisnin. E për shëtitje, sipas saj, veturat e Konsullatës nuk vihen në dispozicion.

“Unë kam qenë prezent non-stop gjatë aktivitetit që kanë mbajtur në ndërtesën e Konsullatës. Kam qenë deri në orët e vona, deri rreth orës 22:30. Të nesërmen nuk kanë pasur ndonjë aktivitet”, ka thënë ajo. “Ne nuk kemi marrë ndonjë informatë se kanë nevojë për me u shëtitë ose për me i dërguar diku”.

Në ankesën e Lidhjes së Shkrimtarëve, e cila mban firmën e kryetarit Adem Demaçi, nuk është përmendur nevoja për shëtitje. Në të tregohet fillimisht se, në kuadër të veprimtarive për 100-vjetorin e Pavarësisë së Shqipërisë dhe të 4-vjetorit të pavarësisë së Kosovës, LSHK-ja dhe Universiteti Popullor Shqiptar i Gjenevës, si dhe asociacionet kulturore shqiptare që veprojnë në Zvicër, kanë organizuar disa aktivitete të mbështetura nga Ambasada dhe konsullatat e Kosovës në këtë shtet. Kanë shkruar të kenë gjetur në Gjenevë dhe në Bernë mbështetje të plotë nga punonjësit diplomatikë, por jo edhe në Cyrih.

“Kontaktuam me të (konsullen Selimi v.j.) dhe i treguam se po organizonim një aktivitet, madje e dinte edhe ajo, sepse u mundua në një rast të na vinte në kontakt me Shoqatën e Shkrimtarëve të Zvicrës, ndërkaq të nesërmen na la në rrugë!!!? Kur po bisedonim se kishim mbetur duke pritur shoferin, na tha se ‘nuk dinte për një aktivitet të tillë!?’. U detyruam me keqardhje t’i drejtoheshim ambasadorit, Naim Mala, te i cili hasëm në mirëkuptim si gjithnjë”, thuhet në këtë shkresë. “Ju bëjmë me dije se sjelljet e zonjës Selimi ishin jo të një diplomateje, pra, injoruese e pa takt në raport me veprimtarët që po angazhoheshin për të dhënë kontributin e tyre në këta përvjetorë të rëndësishëm kombëtarë e shtetërorë”, shkruan sot në një artikllu më të gjerë “Koha Ditore”


2 Komente

  1. bekimi, February 27, 2012:

    Hajt se so ber nami pse der ata burra,jon shetit pak.

  2. nazi, February 28, 2012:

    Po ata nuk jan analfabet edhe fundi fundit nuk asht desht me dal nese nuk din kah shkon hahhah.

Komentoni