Diana ‘i dhuron’ 10 milionë stërlina William-it

Një dhuratë për ditëlindje prej 10 milionë stërlinash, (rreth 12 milionë euro) nga ana e mamit. Princi William feston të enjten 30-vjetorin e lindjes së tij, duke futur në kursimet e veta personale edhe pasurinë e nënës së tij të ndjerë, princeshës Diana.

Princesha e Uellsit, e cila ndërroi jetë në Paris në vitin 1997, kishte lënë trashëgimi pasurinë e saj për djemtë William dhe Harry, të cilët në atë kohë ishin 15 dhe 12 vjec, duke patur një klauzolë të vecantë: asnjë prej tyre nuk mund t’i përdorte paratë pa mbushur 30 vjeç.

Diana kishte një pasuri prej 16 milionë eurosh, një shumë që ka arritur deri në 20 milionë, për shkak të investimeve ndër vite. William dhe Harry ndajnë kështu pasurinë me njëri-tjetrin, por ende nuk dihet se për çfarë do t’i përdorin këto para. Ndërkohë janë përgënjeshtruar zërat për ndërtimin e një shtëpie të re.


Nuk ka komente

Bëhu komentuesi i parë!

Komentoni