Berisha: Historia duhet të dalë siç është

“Nuk është zbardhur ende e vërteta e këtij populli, por e drejta duhet të mbizotërojë. Historia duhet të dalë siç është, kujtesa kombëtare është e domosdoshme”, kështu është shprehur kryeministri i Shqipërisë, Sali Berisha gjatë mbledhjes së sotme të qeverisë, duke folur mbi çështjen e amendimit të ligjit për dëmshpërblimin e ish-të përndjekurve politikë.

Duke shtuar se këtu nuk bëhet fjalë për të zbutur qëndrimin ndaj kolaboracionistëve.

Ndërsa duke folur për kohën e mbretërisë së Zogut, ai tha se Zogu ndërtoi një mbretëri që nuk bazohej tek lufta e klasave.

Në fund, kryeministri Berisha përmendi edhe faktin se në prag të 100-vjetorit të Pavarësisë së Shqipërisë, do të nisë puna për projektin e ndërtimit të një muzeu në Spaç.


Nuk ka komente

Bëhu komentuesi i parë!

Komentoni