Mesfushori zviceran me origjinë Shqiptare, Valon Behrami, refuzoi që të transferohej tek Juventusi, pavarësisht një oferte të rëndësishme që pati në janar.
“Juventusi ishte një mundësi e madhe për mua”, tha Behrami për meiat italiane. “Megjithatë, jam i lidhur me Fiorentinën dhe nuk mund të largohesha ndërsa skuadra është duke përjetuar një moment të keq në kampionat. Ky klub më bën të ndihem i rëndësishëm. Tashmë në skuadër ka një shpirt të ndryshëm dhe po luftojmë për një objektiv të rëndësishëm, rikthimin e tifozëve në shkallët e stadiumit”.
Sipas fjalëve të tij, një tjetër arsye për refuzimin e mundësisë për të qenë kampion i Italisë është përshtatja e shkëlqyer me qytetin e Firences.
Aktualisht, Fiorentina renditet në vendin e dhjetë të kampionatit të Serisë A, me 28 pikë pas 21 javësh.
