“Me këtë rast, 18 këshilltarët shqiptarë njoftojnë opinionin publik se përkundër një fushate agresive që vjen me shpifje, manipulime, trillime, shantazhe dhe kërcënime në adresë të këshilltarëve të opozitës, jemi të vendosur për veprim të përbashkët politik, me qëllim stabiliteti në komunën e Bujanocit…” thuhet ndër tjera në komunikatën e lëshuar sot nga tri subjekte (opozita: PVD,. LPD dhe UDSH) politike shqiptare në Bujanoc njofton agjencia informative “Presheva Jonë”
Bujanoc, 28 shtator
Kumtesë e përbahkët e tri subjekteve poltike shqiptare (opozita) nga Bujanoci: Me rastin e mbajtjes së seancës së katërt të Kuvendit komunal në Bujanoc, përfaqësuesit e grupeve të këshilltarëve nga listat e PVD-së, LPD-së dhe UDSH-së, me qëllim të informimit të drejtë të opinionit publik, lëshojnë këtë:
Përfaqësuesit e këtyre grupeve të këshilltarëve edhe me këtë rast dëshmuan unitet në veprim duke rikonfirmuar qëndrimin e mëhershëm për mospjesëmarrje në punën e Kuvendit.
Me këtë rast, 18 këshilltarët shqiptarë njoftojnë opinionin publik se përkundër një fushate agresive që vjen me shpifje, manipulime, trillime, shantazhe dhe kërcënime në adresë të këshilltarëve të opozitës, jemi të vendosur për veprim të përbashkët politik, me qëllim stabiliteti në komunën e Bujanocit.
Kërkojmë ndërprerjen e menjëhershme të fushatës së kërcënimeve, shantazheve, trillimeve të pushtetit aktual si dhe të militantëve të tyre politik ndaj këshilltarëve të opozitës dhe familjarëve të tyre. Një fushatë e këtillë e egër që po zhvillohet që nga konstituimi i këtij pushteti, ka për qëllim nxitjen e konfliktit ndërshqiptar në Bujanoc dhe destabilizimin e skajshëm të kësaj komune.
Kësaj valle të pushtetit, mjerisht, po i prijnë disa mediume lokale në mesin e të cilëve prin RTV Bujanoci, medium që financohet nga tatimet e qytetarëve, dhe Ueb portal Titulli.com.
Jemi të bindur që opinioni shqiptarë nuk bie pre e një fushate të këtillë agresive, që ka për qëllim nxitjen e më të keqes, dhe se bartësit e kësaj fushate, shumë shpejt do të demaskohen dhe përgjigjen publikisht për këto veprime nxitëse ndërshqipëtare, thuhet në fund të kumtesës leshura sot nga liderët e tre subjektve poltike në Bujanoc nga Partia për Veprim Demokratik , Lëvizja e Progresit Demokratik dhe Unioni Demokratik Shqiptar
