Ban Ki Mun në Maqedoni,agjenda shkruhet gabimisht “Macedonia” jo FYROM

 

Fillimisht ishte shkruar “Macedonia” ndërsa, pas reagimit të palës greke, është rikthyer referenca “Former Yugoslavia Republic of Macedonia” (FYROM), një gabim i tillë u bë në faqen zyrtare të Internetit, të Sekretarit të Përgjithshëm të OKB-së. Ban Ki Mun, ku përmendej agjenda e tij dhe takimi me shefin e diplomacisë së Maqedonisë, Antonio Milloshoski. Fillimisht ishte shkruar se Ban Ki-Mun do të takohej në ora 12:15 (ose rreth orës 18:00 me orën tonë) me ministrin e Jashtëm të Maqedonisë, gjë që është e pazakontë në protokollin e Organizatës Botërore. Pas reagimit të palës greke termi “ministri i jashtëm i Maqedonisë” u ndryshua “në ministri i jashtëm i ish republikës jugosllave të Maqedonisë” .

Sikurse njoftoi më parë ministria e jashtme, Milloshoski do t’i paraqesë Ban Ki-Munit kandidaturën e Maqedonisë për anëtarësim në Këshillin e të Drejtave të Njeriut për periudhën 2013-2016, si dhe do të informojë edhe për dialogun politik maqedono-grek nën mbikëqyrjen e OKB-ve dhe për rastin para Gjykatës Ndërkombëtare të Drejtësisë në Hagë.


Nuk ka komente

Bëhu komentuesi i parë!

Komentoni