Adoleshentët dërgojnë 60 sms në ditë

Adoleshentët amerikanë dërgojnë deri në 60 mesazhe telefonikë në ditë dhe tendenca është e njëjtë në të gjitha vendet e zhvilluara, bëri të ditur një studim i publikuar në një revistë në SHBA.

Në krahasim e mëparshëm të realizuar në vitin 2009, i fokusuar në grupmoshën 14-17 vjeç, mesatarja kishte qenë prej 50 mesazhesh.

“Adoleshentët janë komunikuesit më të mëdhenj. Kjo është një tendencë që nuk mund të shmanget”, shkruhej në studim.

“Kalimi nga fëmijëria në moshë të rritur realizohet duke komunikuar me një larmi njerëzish, duke nisur nga shokët, të njohurit, prindërit, mësuesit, të rritur të tjerë, shkolla dhe institucione”.

Për të realizuar sondazhin, në të gjithë Shtetet e Bashkuara të Amerikës u zgjodh një kampion prej disa qindra të rinjsh, të cilët u monitoruan në një periudhë disa-javore.

Megjithatë, rritja e numrit të mesazheve të dërguara në ditë nuk i detyrohet eksluzivisht rritjes së aftësive komunikuese midis adoleshentëve, por kryesisht përmirësimit të teknologjisë së telefonisë celulare, që e ka bërë gjithmonë e më të thjeshtë dhe gjithmonë e më pak të kushtueshëm komunikimin.


Nuk ka komente

Bëhu komentuesi i parë!

Komentoni